თბილისი, 6 თებერვალი — Sputnik. გურჯაანის მუნიციპალიტეტის სოფელ გურჯაანში უნიკალურ ნივთებს მიაკვლიეს, იუწყება ტელეკომპანია „რუსთავი 2“.
ნადაშვილების ოჯახმა მიწის დამუშავების დროს თიხის ჭურჭელი, სამკაული და სამი სამარხი აღმოაჩინა, რის შესახებაც მათ დაუყონებლივ აცნობეს შესაბამის სამსახურებს.
როგორც გურჯაანის ძეგლთა დაცვის მთავარმა სპეციალისტმა თამაზ მარკოზაშვილმა განაცხადა, აღმოჩენილი ე.წ. ორმო-სამარხები, სავარაუდოდ, გვიან ბრინჯაოს ხანას მიეკუთვნება და მისი შესწავლა-გამოკვლევა აუცილებელია. მისივე თქმით, წარსულში აღნიშნულ ადგილზე, შესაძლოა, სასაფლაოც ყოფილიყო.
აღმოჩენილი ნივთები გურჯაანის ეთნოგრაფიულ საცავს გადაეცა.
