თბილისი, 4 თებერვალი — Sputnik. აშშ-ის პრეზიდენტმა დონალდ ტრამპმა სიეტლის მოსამართლის გადაწყვეტილებს იმიგრაციის შესახებ ბრძანებულების ნაწილობრივ შეჩერების შესახებ სასაცილო უწოდა, იუწყება საინფორმაციო სააგენტო РИА Новости.
„ეგრეთ წოდებული მოსამართლის გადაწყვეტილება, რომელმაც დაამცირა ჩვენი ქვეყნის მართლწესრიგი, სასაცილოა და გაუქმდება“, — დაწერა ტრამპმა „ტვიტერის“ მიკრობლოგში.
The opinion of this so-called judge, which essentially takes law-enforcement away from our country, is ridiculous and will be overturned!
— Donald J. Trump (@realDonaldTrump) February 4, 2017
სიეტლის ფედერალურმა მოსამართლემ აშშ-ის ადმინისტრაციას პარასკევ საღამოს მისცა განკარგულება, ნაწილობრივ შეეჩერებინა ცოტა ხნის წინ დონალდ ტრამპის მიერ ხელმოწერილი ბრძანებულება მიგრაციის შესახებ. მოსამართლის დადგენილება მთელი ქვეყნის მასშტაბით აჩერებს ბრძანებულების მოქმედებას.
აშშ-ის პრეზიდენტი აღნიშნულმა ბრძანებულებამ არაერთგვაროვანი რეაქცია გამოიწვია როგორც ამერიკაში, ისე მსოფლიოში. აშშ-ის სენატის „დემოკრატი“ წევრები გეგმავენ წარმოადგინონ კანონპროექტი, რომელიც ბრძანებულების გაუქმებას შესაძლებელს გახდის.
აშშ-ის 15 შტატის გენერალური პროკურორები ტრამპის ბრძანებულებას არაკანონიერად მიიჩნევენ.
