თბილისი, 2 თებერვალი — Sputnik. პოლიციამ გორის რაიონის სოფერ რეხაში ბაქო-სუფსის ნავთობსადენიდან ნავთობის მოპარვის ბრალდებით ხუთი ადამიანი დააკავა, აღნიშნულია საქართველოს შსს-ს ვებ-გვერდზე განთავსებულ განცხადებაში.
მოპარული ნავთობი ნივთმტკიცების სახით არის ამოღებული.
გამოძიებამ დაადგინა, რომ ბრალდებულები ნავთობს სისტემატურად იპარავდნენ და შემდეგ ჰყიდდნენ მას.
სისხლის სამართლის საქმე აღძრულია საქართველოს სსკ-ის მუხლით „ქურდობა ჩადენილი მაგისტრალურ მილსადენში არსებული ნავთობის ან გაზის მიმართ“, რაც ექვსიდან ათ წლამდე ვადით პატიმრობით ისჯება.
მიმდინარე წელს ეს ბაქო-სუფსის მილსადენიდან ნავთობის მოპარვის პირველი შემთხვევაა. 2016 წელს ორი მსგავსი შემთხვევა დაფიქსირდა, ორივე – მარტში.
2016 წლის მაისში საქართველოს, თურქეთისა და აზერბაიჯანის თავდაცვის მინისტრების შეხვედრის დროს გაბალაში მიაღწიეს ზეპირ შეთანხმებას ნავთობსადენის უსაფრთხოების ერთობლივი უზრუნველყოფის შესახებ.
ბაქო-სუფსის ნავთობსადენის ექსპლუატაცია 1999 წელს დაიწყო. მას ნავთობი აზერბაიჯანიდან საქართველოში, შავი ზღვის სანაპიროზე ტერმინალში გადმოაქვს. ნავთობსადენის სიგრძეა 830 კმ, ხოლო მილსადენის გამტარუნარიანობა წელიწადში დაახლოებით 7 მლნ ტონა ნავთობია (დღეში 140 ათასი ბარელი).
