თბილისი, 29 იანვარი – Sputnik. რუსულმა კომპანია „გაზპრომმა“ უცხოეთში გაზის ექსპორტის ახალი რეკორდი დაამყარა, მან დღე-ღამის განმავლობაში 634,4 მილიონი კუბომეტრი გაზის ექსპორტი განახორციელა, იუწყება სააგენტო „რია ნოვოსტი“ კომპანიის მიერ გავრცელებულ ინფორმაციაზე დაყრდნობით.
„მიმდინარე კვირა „გაზპრომისთვის“ რეკორდული აღმოჩნდა. ზედიზედ მეოთხე დღეა კომპანია უცხოეთში დღიური მიწოდების აბსოლუტური მაქსიმუმს ანახლებს. ახალი ისტორიული მაჩვენებელი 27 იანვარს დაფიქსირდა — 634,4 მილიონი კუბომეტრი“, — იუწყება კომპანია.
ამასთან აღნიშნულია, რომ რუსული გაზის მიწოდების დამაჯერებელი მზარდი დინამიკა 1-დან 27 იანვრის ჩათვლით ისეთმა ქვეყნებმა აჩვენეს, როგორიცაა უნგრეთი — ზრდა 11,2%-თ წინა წლის ანალოგიურ პერიოდთან შედარებით, სერბეთი — 5,1%-ით და ბულგარეთი — 15,9%-ით.
„გაზპრომი“ — ეს გლობალური ენერგეტიკული კომპანიაა. კომპანიის მოღვაწეობის ძირითად მიმართულებებს წარმოადგენს გეოლოგიური დაზვერვა, მოპოვება, ტრანსპორტირება, შენახვა, გაზის გადამუშავება და რეალიზაცია, გაზის კონდენსატისა და ნავთობის შენახვა, გადამუშავება და რეალიზაცია.
