თბილისი, 23 იანვარი — Sputnik. მხიარულთა და საზრიანთა გუნდი „საქართველოს ნაკრები“ 2017 წლის უმაღლესი ლიგის შემადგენლობაში მოხვდა — მსკ-ის საერთაშორისო კავშირის სატელევიზიო ლიგების შემადგენლობები სოჭის ზამთრის თეატრში, „კივინი 2017“-ის გუნდების საერთაშორისო ფესტივალის გალა-კონცერტზე 22 იანვარს განისაზღვრა.
„კივინი 2017“-ის 28-ე საერთაშორისო ფესტივალში 640 გუნდი მონაწილეობდა. „საქართველოს ნაკრები“ 24 უძლიერესი გუნდის სიაში შევიდა.
ქართული გუნდის გამოსვლაში სიახლე იყო — მას შეემატა გიორგი (გერა) გიგაშვილი — უმაღლესი ლიგის ყოფილი ფინალისტი გუნდ „ფიზტექიდან“. ის, გუნდის ხელმძღვანელის სოფო ბანძავას თქმით, უმაღლეს ლიგაში ითამაშებს.
„საქართველოს ნაკრების“ გარდა 2017 წლის უმაღლესი ლიგის შემადგენლობაში მოხვდნენ გუნდები მოსკოვიდან, ბაქოდან, ულან-უდედან, ტიუმენის ოლქიდან, ტვერიდან, სანქტ-პეტერბურგიდან, ირკუტსკიდან, ტამბოვიდან და სხვა.
გალა-კონცერტზე ჩამოყალიბდა 2017 წლის პრემიერ-ლიგის 24-გუნდიანი შემადგენლობა.
აღსანიშნავია, რომ „საქართველოს ნაკრები“ ამ შემადგენლობაში გასული წლის უმაღლეს ლიგაში წარმატებით მონაწილეობდა.
„კივინი 2017“-ში „საქართველოს ნაკრების“ მონაწილეობის ფინანსურ უზრუნველყოფას თბილისის მერია ახორციელებს.
