თბილისი, 23 იანვარი — Sputnik. ქუთაისიდან ბათუმში მიმავალმა მატარებელმა მამაკაცი გაიტანა, რომელიც რკინიგზაზე გადასვლას ცდილობდა, იუწყება ტელეკომპანია „რუსთავი 2“.
ინციდენტი რკინიგზის ურეკი-სუფსის მონაკვეთზე მოხდა. სოფელ წყალწმინდის მკვიდრი მამაკაცი ადგილზე გარდაიცვალა.
„მატარებელმა კაცი მოკლა და მეტი არაფერი. შემდეგ მატარებელმა გზა გააგრძელა. ის ქუთაისიდან მოდიოდა, აქედან კი ბათუმში წავიდა“, — განაცხადა სადგურის მორიგემ კობა ხუნდაძემ.
გამოძიება მიმდინარეობს სსკ-ის მუხლით „რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ადამიანის სიცოცხლის მოსპობა“. დანაშაული ისჯება ხუთიდან შვიდ წლამდე თავისუფლების აღკვეთით და თანამდებობის დაკავების უფლების ჩამორთმევით.
