გურჯაანში სამართალდამცავებმა არარეგისტრირებული მაუზერი ამოიღეს

გამოწერა
დანაშაული 5 წლამდე თავისუფლების აღკვეთას ითვალისწინებს.

თბილისი, 22 იანვარი — Sputnik. პოლიციის თანამშრომლებმა გურჯაანის რაიონის სოფელ ბაკურციხეში 1973  წელს დაბადებული მამაკაცი  ცეცხლსასროლი იარაღის უკანონო შეძენა-შენახვისა და ტარების ბრალდებით დააკავეს, იუწყება შსს–ს პრესსამსახური.

„სამართალდამცველებმა, დაკავებულის კუთვნილი ავტომანქანის ჩხრეკისას, MAUZER-WERKE A.G.OBERNDORF-ის მოდელის არარეგისტრირებული ცეცხლსასროლი იარაღი მჭიდითა და 5 საბრძოლო ვაზნით ამოიღეს“, — ნათქვამია პრესსამსახურის მიერ გავრცელებულ ინფორმაციაში.

გამოძიება ცეცხლსასროლი იარაღის მართლსაწინააღმდეგო შეძენა-შენახვისა და ტარების ფაქტზე საქართველოს სსკ-ს 236-ე მუხლის მე-2 და მე-3 ნაწილით მიმდინარეობს, რაც 5 წლამდე თავისუფლების აღკვეთას ითვალისწინებს.

 

ყველა ახალი ამბავი
0