მაკა ქებურია – პირველი ქალი სენსეი
„ჩემი დღე დილის 6 საათიდან იწყებოდა. არანორმალური რეჟიმითა და ვარჯიშით რვა წელში შევძელი მიმეღწია წარმატებისთვის“, – ამბობს მაკა ქებურია.
მაკა ქებურიამ კიოკუშინ-კარატეში არაერთ წარმატებას მიაღწია. ის არის საქართველოს ეროვნული ჩემპიონატის ხუთგზის გამარჯვებული, ევროპის ორგზის ჩემპიონი, მსოფლიო პრიზიორი, სამი დანის მფლობელი. არის მწვრთნელი და აქტიურად განაგრძობს ვარჯიშს სპორტის ამ სახეობაში.
