„მოითხოვე ქართული" - საქართველოს პრეზიდენტის ახალი კამპანია

გამოწერა
Yandex newsTelegram
გიორგი მარგველაშვილმა ქართული პროდუქციის პოპულარიზაციის მიზნით ახალი კამპანია დაიწყო.

თბილისი, 14 იანვარი — Sputnik. საქართველოს პრეზიდენტი გიორგი მარგველაშვილი კამპანია „მოითხოვე ქართული" ინიციატივით გამოვიდა, რომლის მიზანია ადგილობრივი პროდუქციის პოპულარიზაცია.

ამ კამპანიით პრეზიდენტი მოძრაობა KAR.GE-ს და ფოტოგრაფ გოგა ჩანადირის ინიციატივას „იყიდე ქართული“ შეუერთდა, რომლებიც ადგილობრივი პროდუქციის გაყიდვების ზრდას ემსახურებიან. 

© FB/ Giorgi Margvelashviliგიორგი მარგველაშვილმა ქართული საწარმოები მოინახულა
გიორგი მარგველაშვილმა ქართული საწარმოები მოინახულა - Sputnik საქართველო
გიორგი მარგველაშვილმა ქართული საწარმოები მოინახულა

კამპანიის ფარგლებში მარგველაშვილი შიდა ქართლში და მცხეთა — მთიანეთში საწარმოებს „კამპა“, „კულა“, „ქარელის ხილი“ და „დინასტიას" ეწვია, რომლებიც კვების პროდუქტებს აწარმოებენ.

 „ინიციატივა მდგომარეობს შემდეგში — ჩვენ უნდა გავაძლიეროთ ჩვენი ქვეყნის წარმოება, მოვითხოვოთ ქართული იქ, სადაც მივდივართ პროდუქტის შესაძენად და ვიცოდეთ, რომ ამით ჩვენ ვაძლიერებთ ქვეყნის ეკონომიკას, ვაძლიერებთ იმ ადამიანებს, რომლებიც დასაქმებულები არიან ქართულ წარმოებაში, ვქმნით სამუშაო ადგილებს, ვეხმარებით სავალუტო სირთულეების დაძლევაში", — განაცხადა პრეზიდენტმა.

კამპანია „მოითხოვე ქართულის“ ფარგლებში საქართველოს სხვადასხვა რეგიონში ქართული პროდუქციის პოპულარიზაციის მიზნით სხვადასხვა ღონისძიებები ჩატარდება. 

© FB/ Giorgi Margvelashviliგიორგი მარგველაშვილმა ქართული საწარმოები მოინახულა
გიორგი მარგველაშვილმა ქართული საწარმოები მოინახულა - Sputnik საქართველო
გიორგი მარგველაშვილმა ქართული საწარმოები მოინახულა

გასული წლის დეკემბერში პრეზიდენტი მარგველაშვილი და მისი მეუღლე მაკა ჩიჩუა ადგილობრივ მეწარმეთა მხარდამჭერ აქციას შეუერთდნენ.

აქციის „იყიდე ქართული“ ფარგლებში გიორგი მარგველაშვილმა და პირველმა ლედიმ საახალწლოდ ოჯახისთვის ავლაბრის ბაზარში და სასურსათო მაღაზიაში ქართული წარმოების პროდუქტები შეიძინეს. მათ ასევე საბურთალოს რაიონში მდებარე მაღაზიაში ქუთაისის ფაბრიკაში შეკერილი სამოსი შეიძინეს.

 

 

 

 

 

ყველა ახალი ამბავი
0