თბილისი, 5 იანვარი —Sputnik. თურქეთის დასავლეთში, ქალაქ იზმირში დანაღმული ავტომობილის აფეთქების შედეგად მინიმუმ ორი ადამიანი დაიღუპა, იუწყება სააგენტო Anadolu.
მანამდე იუწყებოდნენ ქალაქ იზმირში სროლისა და აფეთქების შესახებ სასამართლოს შენობასთან, რომლის სიახლოვეს ავტომობილი იწვოდა.
სააგენტოს მონაცემებით, აფეთქებამ პოლიციელი და სასამართლოს თანამშრომელი იმსხვერპლა.
სასამართლოს შენობასთან აფეთქების შემდეგ ორ თავდამსხმელსა და პოლიციელებს შორის შეიარაღებული შეტაკება მოხდა, შედეგად თავდამსხმელები მოკლეს. ადგილობრივი ხელისუფლების წარმომადგენლებმა დაადასტურეს, რომ დანაღმული ავტომობილი აფეთქდა.
თურქეთის უმაღლესმა საბჭომ რადიოსა და ტელევიზიის საკითხებში მოვლენების გაშუქება დროებით აკრძალა, იუწყება სააგენტო.
