თბილისი, 24 დეკემბერი – Sputnik. თბილისის საერთაშორისო აეროპორტში ხანძრის ჩაქრობისა და თვითმფრინავის კაბინის განაღმვის სიმულაციური სწავლებები ჩატარდა, ნათქვამია შს სამინისტროს ვებგვერდზე გავრცელებულ განცხადებაში.
სწავლებაში მონაწილეობას მიიღეს შსს-ს საგანგებო სიტუაციების მართვის სააგენტოს მეხანძრეებმა და მაშველებმა, ასევე თბილისის აეროპორტის თანამშრომლებმა და სააგენტოს ქიმიური, ბიოლოგიური, რადიაციული და ბირთვული სამსახურის თანამშრომლებმა.
სიმულაციური სწავლება მიზნად ისახავდა ინციდენტზე კოორდინირებული რეაგირების უნარ-ჩვევების გამომუშავებას, რაც რეალურ საგანგებო სიტუაციებში კატასტროფების რისკებს შეამცირებს.
