თბილისი, 20 დეკემბერი — Sputnik. ქალაქ ვისბადენში სროლის შედეგად ერთი ადამიანი დაიღუპა და ორი დაიჭრა, იუწყება სამშაბათს საინფორმაციო სააგენტო „რია ნოვოსტი“ დასავლეთ ჰესენის პოლიციაზე დაყრდნობით.
„ამჟამად შეგვიძლია ვთქვათ: ერთი ქალი დაიღუპა, ორი — დაშავდა“, — განაცხადეს პოლიციაში.
Die Kollegen*innen der #Spurensicherung untersuchen den Tatort / umliegenden Bereich! #Kiosk #Wiesbaden #Biebrich pic.twitter.com/LH8sEc1VpR
— Polizei Westhessen (@Polizei_WH) 20 декабря 2016 г.
ინციდენტი ბიბრიხის ოლქში მოხდა. დანაშაულის მოტივი ჯერჯერობით უცნობია. დამნაშავე მიიმალა და პოლიციამ მის დასაკავებლად დამატებითი თანამშრომლები და ვერტმფრენი აამოქმედა.
გუშინ ბერლინში სატვირთო ავტომობილი საშობაო ბაზრობაზე შეიჭრა, სადაც 12 ადამიანი დაიღუპა და ათობით დაშავდა. ქვეყნის ხელისუფლებამ მომხდარს ტერაქტი უწოდა.
