თბილისი, 18 დეკემბერი — Sputnik. თურქეთის დროშის ქვეშ მცურავი გემი ფოთის ნავსადგურში სამეურნეო ფეკალური წყლების ჩაღვრის გამო დააკავეს, ნათქვამია საქართველოს გარემოსა და ბუნებრივი რესურსების დაცვის სამინისტროს განცხადებაში.
გემის კაპიტანს განესაზღვრა საჯარიმო სანქცია 65 000 ლარის ოდენობით, რასაც დაემატება გარემოსათვის მიყენებული ზიანი.
თურქეთის დროშით მცურავი გემი საქართველოს ტერიტორიულ წყლებს დაკისრებული საჯარიმო სანქციების გადახდის შემდეგ დატოვებს.
