კვლევების წამყვანი სწავლული ჯო ფორგასი ამტკიცებს, რომ რთული ხასიათისა და ცუდი გუნების ადამიანებს ბევრად უკეთესი ანალიტიკური აზროვნება აქვთ გადაწყვეტილებების მისაღებად.
ექსპერიმენტის მსვლელობისას მეცნიერებმა მოხალისეთა ჯგუფს სხვადასხვა განწყობის ფილმები უჩვენეს, მერე კი მათი ცხოვრების დადებითი და უარყოფითი მოვლენები განიხილეს. ამ ცდის მიზანი გამოსაცდელთა გუნების შეცვლა იყო — კარგისკენ ან ცუდისკენ.
ამის შემდეგ ექსპერიმენტის მონაწილეებს თვითმხილველთა ნაამბობ ნამდვილ და გამოგონილ ამბებს უკითხავდნენ და სთხოვდნენ, გაეანალიზებინათ ისტორია და გამოეცნოთ, რომელი მათგანი იყო რეალური და რომელი — შეთხზული.
შედეგებმა აჩვენა, რომ ნეგატიური სულიერი მდგომარეობის მქონე ადამიანები შეუდარებლად ნაკლებ შეცდომებს უშვებდნენ და მთლიანობაში ბევრად
ლოგიკურად მსჯელობდნენ.
მეცნიერებმა დაასკვნეს, რომ თუ პოზიტიური განწყობა შემოქმედებით აზროვნებას უწყობს ხელს, ნეგატიური ადამიანს უფრო ყურადღებიანს, ფრთხილსა და ჯანსაღად მოაზროვნეს ხდის.
თუმცა, ეს ექსპერიმენტი სულაც არ ამტკიცებს იმას, თითქოს მძიმე ხასიათით სიარული კარგია. უბრალოდ, ის გვიჩვენებს, რომ რთულ ბუნებასა და ნეგატიურ აზროვნებას თავისი უპირატესობა აქვს.
