საქართველოში ხის ჩარჩოს მქონე ორიგინალური სათვალეების წარმოება დაიწყო. იხილეთ Sputnik-ის ვიდეო, თუ როგორ მზადდება სათვალეები ინდივიდუალური შეკვეთით.
უკვე შეიძლება სათვალეების შეძენა, რომლებიც მზადდება ორიგინალური დიზაინით წიფლისგან, კაკლისგან, მუხისგან და ბზისგან. იდეის ავტორმა სანდრო ხუციშვილმა საკუთარი პროექტის რეალიზება ტექნოლოგიებისა და ინოვაციების ეროვნული სააგენტოს დახმარებით შეძლო. სახელმწიფო გრანტით მან თანამედროვე ლაზერული დანადგარი შეიძინა, რომლის მეშვეობითაც დღეს სხვადასხვა ხისგან სათვალეებს ამზადებს.
ჩარჩოს დამზადებაზე, რომლის დიზაინსაც თავად დამკვეთი არჩევს, მხოლოდ 5 წუთი იხარჯება. თუმცა მისი მხატვრული გაფორმება გაცილებით მეტ დროს საჭიროებს, ხანდახან რამდენიმე დღესაც კი.
