თბილისი, 8 დეკემბერი — Sputnik. სომხეთის თავდაცვის მინისტრის ვიგენ სარქისიანის ავტომობილი ავტოავარიაში მოხვდა, იუწყება „Sputnik სომხეთი“ თავდაცვის სამინისტროს პრეს-მდივანზე არწრუნ ოვანესიანზე დაყრდნობით.
სამინისტროს კუთვნილი Lexus-ის მარკის ავტომობილი ავარიაში ერევანი-გორისის საავტომობილო ტრასაზე მოყვა.
ოვანისიანი აცხადებს, რომ ავტომობილი ხევში გადავარდა, რის შედეგადაც უსაფრთხოების სამსახურის ორი თანამშრომელი დაიღუპა — მძღოლი არმენ მუსიკიანი და დაცვის წევრი ალექსან სიმონიანი.
ინციდენტის დროს ავტომობილში თავდაცვის მინისტრი არ იმყოფებოდა, რადგან ის მთავრობის სხდომაზე იმყოფებოდა, რომელიც ყოველ ხუთშაბათს ტარდება.
გავრცელებული ინფორმაციით, ინციდენტი ქალაქ გორისთან, 231-ე კილომეტრზე მოხდა, ავტომობილი გზის საწინააღმდეგო მხარეს გადავიდა, გადატრიალდა და ხევში გადავარდა.
