თანამედროვე ქართველი მხატვრების ტოპ-ათეული

© photo: Sputnik / Levan Avlabreliლევან მოსიაშვილის ნამუშევარი
ლევან მოსიაშვილის ნამუშევარი - Sputnik საქართველო
გამოწერა
8 დეკემბერს მხატვრის საერთაშორისო დღე აღინიშნება. დღესასწაული 2007 წელს საერთაშორისო ასოციაცია „მსოფლიო ხალხთა ხელოვნებამ“ დააარსა და ის არა მხოლოდ პროფესიონალების, არამედ მოყვარულების დღესასწაულიც არის.

მხატვრებს შეუძლიათ არა მარტო ასახონ ცხოვრება, არამედ მისცენ ადამიანებს შესაძლებლობა, დატკბნენ სამყაროთი და უყვარდეთ ის. ამ დღესთან დაკავშირებით „Sputnik საქართველო“ მკითხველს სთავაზობს თანამედროვე ქართველი მხატვრების ტოპ-ათეულს — გაეცანით მათ და გაიგეთ, როგორია მათი მშვენიერი „შეჩერებული წამი“.

ზურაბ წერეთელი

© photo: Sputnik / კირილ კალინიკოვიზურაბ წერეთლის ფერწერის გამოფენა "მე მებაღედ დავიბადე"
ზურაბ წერეთლის ფერწერის გამოფენა მე მებაღედ დავიბადე - Sputnik საქართველო
ზურაბ წერეთლის ფერწერის გამოფენა "მე მებაღედ დავიბადე"

მიუხედავად იმისა, რომ წერეთელი, უპირველეს ყოვლისა, განთქმულია, როგორც მოქანდაკე, ის თვითონ აღიარებს, რომ სულით ნამდვილი მხატვარია. მისი სურათები ფერის, ადამიანისა და ბუნების სილამაზის ნამდვილი ოდაა. წერეთელს უყვარს მზესუმზირების, რეალური ადამიანების არარეალური პორტრეტების, ასევე ცხოვრების უხილავი სიუჟეტების ხატვა, რომლებიც ასეთი მოულოდნელი, საყვარელი და ყოველთვის მნიშვნელოვანია. მისი შემოქმედების მუდმივი შთაგონების წყაროა საქართველო და მისი განუმეორებელი, მდიდარი და მრავალფეროვანი ბუნება.

ნინო ჩაკვეტაძე

© photo: Sputnikნინო ჩაკვეტაძის ნახატები
ნინო ჩაკვეტაძის ნახატები - Sputnik საქართველო
ნინო ჩაკვეტაძის ნახატები

თანამედროვე საქართველოს ყველაზე კეთილი და თბილი მხატვარია. მისი სურათები არა მარტო ბედნიერი ბავშვობის, პირველი ტკბილი და მწარე ბავშვური განცდების, ლამაზი მოგონებებისა და ოცნების ხორცშესხმას წარმოადგენს, ჩაკვეტაძის ტილოები ნამდვილი ანტისტრეს-შემოქმედებაა. პირდაპირი და გადატანითი მნიშვნელობით განკურნების ეფექტის მქონე ტილოებით ნინო ჩაკვეტაძემ საქართველოს ფარგლებს გარეთაც გაითქვა სახელი.

ლევან მოსიაშვილი

© FB/ Levan Mosiashviliმხატვარი ლევან მოსიაშვილი
მხატვარი ლევან მოსიაშვილი - Sputnik საქართველო
მხატვარი ლევან მოსიაშვილი

მხატვრის ოჯახიდან გამოსული თვითნასწავლი ფერმწერი, რომელიც სხვადასხვა სტილში ხატავს. ორ ქვეყანაში — საქართველოსა და საფრანგეთში ცხოვრებას მის სურათებში ევროპულ-კავკასიური შარმის კაშკაშა კონტრასტები შემოაქვს. მაგრამ მისი შემოქმედების გული მაინც საქართველოა, კახეთში გატარებული ბავშვობა, სიყვარული და ბუნება. მისი ნამუშევრები სავსეა მზით, ფერთა კაშკაშა გამა კი გაგრძნობინებს, რომ ცხოვრება მშვენიერია.

ლადო თევდორაძე

© FB/ Lado tevdoradze artლადო თევდორაძის ნახატი
ლადო თევდორაძის ნახატი - Sputnik საქართველო
ლადო თევდორაძის ნახატი

ერთ-ერთი ცოტა მიამიტი, თუმცა ყველაზე სიმართლის მთქმელი მხატვარია, რომელიც ცხოვრების რეალობას ასახავს. მისი ნამუშევრები პირველივე შეხედვიდან იპყრობს მნახველს: ისინი სავსეა სახლის სიმყუდროვით, უბრალო ხიბლით, ღიმილით, ირონიით, ნოსტალგიით. ლადო თევდორაძის ტილოებზე სამოთხე კი არა, ნამდვილი, შეულამაზებელი ცხოვრება ჩქეფს. მათში სიმძიმის ნატამალიც არ არის, მხოლოდ ყოფის სიმსუბუქეა. ამაშია ქართველი მხატვრის უნიკალურობა.

გია ბუღაძე

© FB/ Lagizov Ivanმხატვარ-მონუმენტალისტი გია ბუღაძის ნამუშევარი
მხატვარ-მონუმენტალისტი გია ბუღაძის ნამუშევარი - Sputnik საქართველო
მხატვარ-მონუმენტალისტი გია ბუღაძის ნამუშევარი

საქართველოს ერთ-ერთი ავტორიტეტული ფერმწერი, მხატვარი-მონუმენტალისტი. მისი მონუმენტური ნამუშევრები უცხოეთშიც ცნობილია: მან მოხატა ბერლინში მარტინ ლუთერის ეკლესია, ლუიზიანის უნივერსიტეტის „სიტყვის თავისუფლების დარბაზი“ და პარიზში ქართული მართლმადიდებლური ეკლესია. გარდა ამისა, ბუღაძე თეატრისა და კინოს დამდგმელი მხატვარია. მისი ნამუშევრები გამოფენილი იყო ვატიკანში, იტალიაში, ესპანეთში, შვეიცარიაში, ესტონეთში, საფრანგეთში, რუსეთში, უკრაინასა და სომხეთში.

ოლეგ ტიმჩენკო

© Алена Савельеваოლეგ ტიმჩენკოს ნახატი
ოლეგ ტიმჩენკოს ნახატი - Sputnik საქართველო
ოლეგ ტიმჩენკოს ნახატი

საინტერესო და ორიგინალური მხატვარი თბილისიდან. თანამედროვე თბილისის სული მის ნამუშევრებში რეალურად არის ასახული. სამხატვრო აკადემიის პროფესორი თავის სურათებში საოცრად რომანტიკულ ხელოვანად აღიქმება, მისი ტილოებიდან მუსიკის მოსმენაა შესაძლებელი. ტიმჩენკო ასევე ძალიან მრავალმხრივია: ხატავს ზღაპრულ და აღმოსავლურ მოტივებზე, ურბანისტულ პეიზაჟებს, პოპ-არტის სტილის პოსტერებს. ერთი სიტყვით, ტიმჩენკოს ფერწერა მომაჯადოებლად ლამაზი და მოდურია.

ლევან სონღულაშვილი

© © Levan Songulashvili Artლევან სონღულაშვილის "მედუზა"
ლევან სონღულაშვილის მედუზა - Sputnik საქართველო
ლევან სონღულაშვილის "მედუზა"

ახალგაზრდა ქართველი მხატვარია, რომლის ნამუშევრები ახლა აშშ-ში უფრო პოპულარულია, ვიდრე საქართველოში. ამჟამად 25 წლის ფერმწერი ნიუ-იორკის ხელოვნების აკადემიის მაგისტრატურაში სწავლობს. მისმა შემოქმედებამ ცნობილი სააუქციონო სახლებისა და მსოფლიოს კულტურის კრიტიკოსების მაღალი შეფასება მიიღო. სონღულაშვილს შავ-თეთრი პალიტრა უყვარს. მის სტილს მოჩვენებით მინიმალიზმთან ერთად დახვეწილობა, მაგია, ემოციების სიღრმე ახასიათებს, ასევე მკვეთრად გამოხატული მისტიციზმი. უსაყვარლესი ჟანრია ნიუ.

თენგიზ მარი

© FB/ Tengiz Marrთენგიზ მარის ნატურმორტი
თენგიზ მარის ნატურმორტი - Sputnik საქართველო
თენგიზ მარის ნატურმორტი

ერთ-ერთი ყველაზე იდუმალი, დახვეწილი და ლაკონური ფერმწერია. ცნობილი ისტორიკოსის, აღმოსავლეთმცოდნისა და მეცნიერის, ნიკო მარის შთამომავალია. თავის დამახასიათებელ ნატურმორტებს ის გუაშით ხატავს. განათლებით არქიტექტორი მარი ბავშვობიდან ხატავს და ამ დროის განმავლობაში თავის შემოქმედებაში ბევრი, თითოეული თავისებურად მშვენიერი მეტამორფოზა განიცადა.

თუთუ კილაძე

© FB/ Tutu Kiladzeთუთუ კილაძის ნახატი
თუთუ კილაძის ნახატი - Sputnik საქართველო
თუთუ კილაძის ნახატი

პრიმიტივისტი მხატვარი „პატარა უფლისწულის“ სულით. მისი სურათების გმირები დიდი სამყაროს პატარა ადამიანები არიან. გემები, ხეები, ადამიანები, ქალაქები, სახლები და მისი განათებული ფანჯრები თუთუს ტილოებზე პატარა წერტილებიდან სამყაროს ცენტრად გარდაიქმნება, სადაც თითოეული მომენტი მნიშვნელოვანია.

კოკა ცხვედიანი

© FB/ Koka Tskhvedianiკოკა ცხვედიანის "NYC"
კოკა ცხვედიანის NYC - Sputnik საქართველო
კოკა ცხვედიანის "NYC"

მისი ტილოები ნებისმიერი ოთახის, ოფისის, მაღაზიის, სასტუმროს ან გალერეის კედლებს დაამშვენებს. მისი ნამუშევრების სიუჟეტები სიურრეალისტური, ნაზი და ღრმა შინაარსით დატვირთულია. მისი სურათები გამსჭვალულია ფერებით, ცხოვრებით, პარალელური სამყაროებით, ტკივილით, დაუოკებელი ენერგიითა და პლანეტის მასშტაბის სიყვარულით.

ყველა ახალი ამბავი
0