თბილისი, 7 დეკემბერი — Sputnik. საქართველოს პარლამენტი განიხილავს 2016 წლის 1 ივლისამდე უკანონოდ მიღებული პენსიებისა და სოციალური დახმარებების ლეგალიზაციის საკითხს, ნათქვამია საკანონმდებლო ორგანოს ვებ-გვერდზე გამოქვეყნებულ მასალებში.
მომზადებული კანონპროექტით, ყველა მოქალაქისთვის, რომლებმაც 2016 წლის 1 ივლისამდე ზედმეტი პენსია, სოციალური დახმარება ან კომპენსაცია მიიღეს, ეს თანხა ლეგალურად ჩაითვლება და შესაძლებელი იქნება, ის სახელმწიფოს არ დაუბრუნდეს.
შესაბამის შესწორებებს ერთდროულად სამ კანონში შეიტანენ — „სოციალური დახმარების შესახებ“, „სახელმწიფო პენსიის შესახებ“ და „სახელმწიფო კომპენსაციისა და სახელმწიფო აკადემიური სტიპენდიის შესახებ“.
კანონპროექტის ავტორია პარლამენტის ყოფილი დეპუტატი გიორგი გოზალიშვილი.
კანონპროექტს ჯერ შესაბამისი კომიტეტები განიხილავენ, ხოლო შემდეგ პარლამენტის სხდომაზე გავა დასამტკიცებლად.
