თუკი ჯერაც გჯერათ ზღაპრული ფერიების არსებობის, თუკი ჯერაც არ დაგიკარგავთ იმედი, რომ ოდესმე ჯადოსნურ ტყეში მოხვდებით და სრულიად ზღაპრულ ოცნებებს აისრულებთ... 27.11.2016-ს, Sputnik საქართველო
თუკი ჯერაც გჯერათ ზღაპრული ფერიების არსებობის, თუკი ჯერაც არ დაგიკარგავთ იმედი, რომ ოდესმე ჯადოსნურ ტყეში მოხვდებით და სრულიად ზღაპრულ ოცნებებს აისრულებთ, მაშინ დროა მოგითხროთ დედამიწის ზურგზე არსებულ ერთ-ერთ ყველაზე ზღაპრულ და იდუმალ ადგილზე, რომელიც ბელგიაში მდებარეობს.
„ჰელერბოსის“ მართლაც რომ იდუმალი, უძველესი ტყე ბრიუსელის მახლობლად მდებარობს.
მიზეზი, რის გამოც ტყე ზღაპრის სიუჟეტიდან გადმოტანილს ჰგავს, მაჩიტების სქელი ხალიჩაა. ეს ყვავილები გაზაფხულზე და ადრიან ზაფხულში ყვავის და ცისფერი და მოიისფრო შეფერილობის წყალობით მთელ მიდამოს ჯადოსნურ ელფერს ანიჭებს, ამის გამო მას „ცისფერ ტყესაც“ უწოდებენ.
ამბობენ მართლა ზღაპარში გეგონება თავი, თუ ტყეში აპრილის ბოლოს, დილაადრიან შეაბიჯებ, როცა მზის პირველი სხივი ნისლის საბურველის გარღვევას ცდილობს და ნამის წვეთებს უბრჭყვიალებს მაჩიტების ზანზალაკებს.
ისტორიკოსები ამბობენ, რომ ამ ტყეს რომაელებიც უნახავს და ვიკინგებიც, რომ ოდესღაც მდინარე რეინიდან ჩრდილოეთის ზღვამდე იყო გადაჭიმული, ერთი სიტყვით უძველესი და მდიდარი ისტორია აქვს.
გაზაფხულზე — აპრილიდან მაისის დასაწყისამდე ტყეს უამრავი ტურისტი და ფოტოგრაფი სტუმრობს. ტყის ბინადრები — ირმები, მელიები კურდღლები და ციყვები იმდენად შეეჩვივნენ ადამიანების ხშირ ვიზიტებს, კამერების წინაშე პოზირებასაც კი არ ერიდებიან.
აი რაც შეეხებათ ზღაპრულ ფერიებს — ჯერჯერობით ვერც ერთმა ფოტოგრაფმა ვერ მახერხა მათი კამერით დაფიქსირება — ისე კი ამბობენ — გვინახავსო — მაგრამ ხომ იცით რწმენის ძალა — ამ ტყეში ყველა ხომ თავის ჯადოსნური ფერიის სანახავად მიდის!
