სტუდენტური მოძრაობა "აუდიტორია 115"-ის წარმომადგენლებმა პარასკევს ივანე ჯავახიშვილის სახელობის თბილისის სახელმწიფო უნივერსიტეტის მთავარ კორპუსში საარჩევნო უბნებთან საპროტესტო აქცია გამართეს. იხილეთ Sputnik ფოტოლენტაში, თუ როგორ აპროტესტებდნენ აქციის მონაწილეები სტუდენტური თვითმმართველობის არჩევნებს.
„აუდიტორია 115“ სტუდენტური თვითმმართველობის წინააღმდეგ გამოდის. მისი წევრები აცხადებენ, რომ თვითმმართველობის უკან უსაფრთხოების სამსახურების აგენტები დგანან და ისინი არა სტუდენტების, არამედ ხელისუფლების ინტერესებს ატარებენ.
„ყველა საარჩევნო უბანი პირველ კორპუსში პიკეტირებულია. პიკეტირება მეორე კორპუსშიც დაიწყება, ხოლო მესამე კორპუსში კენჭისყრის პროცედურა უკვე შეწყვეტილია. ჩვენ ყველაფერს ვაკეთებთ იმისთვის, რათა არ გაგრძელდეს ეს ძალადობრივი, იერარქიული სტრუქტურა კიდევ ორი წლით“, — განუცხადა ჟურნალისტებს „აუდიტორია 115“-ის ერთ-ერთმა აქტივისტმა გიორგი ჩიხლაძემ.
პარასკევს დილიდან თსუ-ს სხვადასხვა კორპუსებში 13 საარჩევნო უბანი გაიხსნა. სტუდენტურ თვითმმართველობაში 140 ადგილზე 174 კანდიდატი იყრის კენჭს. აუდიტორია 115“ სტუდენტური თვითმმართველობის წინააღმდეგი ზოგადად არ არის, მაგრამ მის რეფორმირებას მოითხოვს.
