მარიამ მამადაშვილი, რომელმაც საბავშვო „ევროვიზიაზე“ გაიმარჯვა, უსაზღვროდ გახარებულია წარმატებით. პირველი შთაბეჭდილებებისა და ემოციების შესახებ გოგონამ „Sputnik საქართველოსთან" ისაუბრა.
„როდესაც პირველად ქულების გამოცხადება მოხდა და გავიგონე „საქართველო, საქართველო, საქართველო“ — ეს ჩემ ცხოვრებაში ყველაზე საუკეთესო მომენტი იყო. სცენაზე ყოველი გასვლისას მე ხომ დედაჩემს, ჩემს მშობლიურ ქალაქს, ჩემ საყვარელ საქართველოს ვუმღეროდი. სიმღერის სიტყვებია: „მიყვარხარ, მზეო, გაგვიფერადე დღე“. და, მართლაც, მზე მართლა გაანათებს ჩვენს ქვეყანას, რომელიც არც ისე პატარაა. მე ძალიან მიყვარხარ, ჩემო საქართველო!“ — განაცხადა მარიამ მამადაშვილმა.
მარიამ მამადაშვილმა კონკურსში 239 ქულა აიღო. 232 ქულით მეორე ადგილზე გავიდა სომხეთი, ხოლო 209 ქულით მესამეზე — იტალია. მეოთხე ადგილზეა რუსეთი, მეხუთეზე — ავსტრალია.
„ევროვიზია 2016“-ში 17 ქვეყანა მონაწილეობდა.
