თბილისი, 20 ნოემბერი – Sputnik. საქართველოს შინაგან საქმეთა სამინისტრომ ნარკოტიკული საშუალების უკანონო შეძენა–შენახვისა და გასაღების ბრალდებით რუსთავში ერთი პირი დააკავა, იუწყება შსს–ს პრეს–სამსახური.
გამოძიებამ დადგინა, რომ 1972 წელს დაბადებული, წარსულში ნასამართლევი ი.მ. სისტემატურად ყიდდა ნარკოტიკულ საშუალებას. ბრალდებულის ნარკოლოგიური შემოწმების დროს ოპიუმის მოხმარების ფაქტი გამოვლინდა.
გამოძიება ნარკოტიკული საშუალების უკანონო შეძენა-შენახვის და გასაღების ფაქტზე მიმდინარეობს (საქართველოს სსკ-ის 260-ე მუხლით).
