თბილისი,19 ნოემბერი – Sputnik. საქართველოს სამხედრო გზაზე ყველა სახის ტრანსპორტისთვის მოძრაობა აღდგა, ნათქვამია საქართველოს ინფრასტრუქტურისა და რეგიონალური განვითარების საავტომობილო გზების დეპარტამენტის ვებ-გვერდზე გავრცელებულ ინფორმაციაში.
რამდენიმე დღის წინ, უამინდობის გამო მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე მისაბმელიანი და ნახევრადმისაბმელიანი ტრანსპორტისა და 30 ადგილზე მეტი ტევადობის ავტობუსების მოძრაობაზე აკრძალვა დაწესდა.
ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით.
