თბილისი, 10 ნოემბერი — Sputnik. თბილისში, ვაჟა-ფშაველას გამზირზე ავტომანქანამ ბავშვიანი ქალი გაიტანა, იუწყება საინფორმაციო სააგენტო „ნოვოსტი-გრუზია“ საქართველოს შინაგან საქმეთა სამინისტროს პრეს-სამსახურზე დაყრდნობით.
ავტოავარია რამდენიმე საათის წინ მოხდა. დედა საავადმყოფოში გადაიყვანეს, ხოლო ბავშვი არ დაშავებულა, იუწყებიან ქართული საინფორმაციო საშუალებები.
სისხლის სამართლის საქმე აღძრულია სსკ-ის მუხლით „მოძრაობის უსაფრთხოების ან ტრანსპორტის ექსპლუატაციის წესების დარღვევა“, რაც ისჯება ჯარიმით ან თავისუფლების 3 წლამდე შეზღუდვით, ან თავისუფლების აღკვეთით 4 წლამდე ვადით.
