თბილისი, 7 ნოემბერი — Sputnik. ცნობილ ქართველ რეჟისორს, ალექსანდრე გრიბოედოვის სახელობის თბილისის სახელმწიფო აკადემიური რუსული დრამატული თეატრის სამხატვრო ხელმძღვანელს ავთანდილ ვარსიმაშვილს რუსეთის ფედერაციის სახელმწიფო ჯილდო — პუშკინის მედალი გადაეცა.
პუშკინის მედლით ჯილდოვდებიან უცხო ქვეყნის მოქალაქეები, რომლებიც ხელს უწყობენ უცხოეთში რუსული ენისა და რუსული კულტურის პოპულარიზაციას და რუსეთთან მეგობრობისა და თანამშრომლობის გაღრმავებას.
ქართველ რეჟისორთან ერთად იგივე ჯილდო ცნობილმა რეჟისორმა და მუსიკოსმა ემირ კუსტურიცამ, ამერიკული კომპანიის Lerman Enterprises LLC-ს პრეზიდენტმა სიუზან ელიზაბეტ ლერმანმა და ჩინეთის სახელმწიფო დიდი თეატრის დირექტორმა ჩენ პინმა მიიღეს.
ავთანდილ ედუარდის ძე ვარსიმაშვილი — ქართველი თეატრისა და კინოს რეჟისორი, ა. გრიბოედოვის სახელობის სახელმწიფო აკადემიური თეატრის სამხატვრო ხელმძღვანელი, „თავისუფალი თეატრის“მეპატრონე და სამხატვრო ხელმძღვანელი, კინოსტუდია "Vars-studio"-ს მეპატრონე,,, თბილისის შოთა რუსთაველის თეატრისა და კინოს უნივერსიტეტის სრული პროფესორი, უნივერსიტეტის რეჟისურის მიმართულების ხელმძღვანელი საერთაშორისო ორგანიზაცია "შექსპირის თეატრის" (ა.შ.შ.) სრულუფლებიანი წევრი.
