თბილისი, 6 ნოემბერი – Sputnik. შსს-ს განსაკუთრებულ დავალებათა დეპარტამენტის თანამშრომლებმა მთელი ქვეყნის მასშტაბით ისტორიულ-კულტურული ძეგლებისა და უძველესი ეკლესია-მონასტრების მიმდებარე ტერიტორიები დაასუფთავეს, იუწყება შსს–ს პრეს–სამსახური.
აქციაში განსაკუთრებულ დავალებათა დეპარტამენტის 300-ზე მეტი თანამშრომელი მონაწილეობდა.
სამინისტროს წარმომადგენლები ასევე მონასტრის ბერებს სამშენებლო სამუშაოებსა და შეშის დაჩეხვაში დაეხმარნენ.
როგორც უწყებაში აღნიშნავენ, მსგავსი ტიპის აქციები მომავალშიც გაგრძელდება.
