თბილისი, 5 ნოემბერი – Sputnik. ავტოსაგზაო შემთხვევა ქუთაისში. ქუთაისი-სამტრედიის ავტობანზე მოხდა. გავრცელებული ინფორმაციით, კოპიტნარის აეროპორტთან მიკროავტობუსი ხიდის ჯებირს შეეჯახა და გადავარდა, იუწყება ტელეკომპანია "რუსთავი 2".
შემთხვევის ადგილზე საპატრულო პოლიციისა და სასწრაფო დახმარების ეკიპაჟებია მობილიზებული.
ავტოსაგზაო შემთხვევის შედეგად მიკროავტობუსის მძღოლი დაშავდა, რომელიც საავადმყოფოში გადაიყვანეს. მიკროავტობუსში მგზავრები არ იმყოფებოდნენ.
