თბილისი, 2 ნოემბერი — Sputnik. ქალაქ ონთან ახლოს 3,1 მაგნიტუდის მიწისძვრა მოხდა, აღნიშნულია სეისმური მონიტორინგის ცენტრის ვებ-გვერდზე განთავსებულ განცხადებაში.
მიწისქვეშა ბიძგები თბილისის დროით 12:52 საათზე დაფიქსირდა. მიწისძვრის ეპიცენტრი სოფელ ფსორთან, ონიდან 4 კილომეტრში, 10 კილომეტრის სიღრმეში იყო.
„მიწისძვრა ძლიერი არ ყოფილა და მას ნგრევის გამოწვევა არ შეეძლო“, — განაცხადა სეისმური მონიტორინგის ცენტრის თანამშრომელმა.
საქართველოს საშუალო სეისმური აქტიურობის ქვეყანაა. ყველაზე მძლავრი, 7 მაგნიტუდის მიწისძვრა აქ 1991 წელს რაჭასა და იმერეთში დაფიქსირდა. ეპიცენტრში ინტენსიობა 9 ბალს შეადგენდა. ამ მიწისძვრის შედეგად დაიღუპა დაახლოებით 200 ადამიანი, დაინგრა თითქმის 46 ათასი სახლი და ათასი სამრეწველო ობიექტი.
