თბილისი, 31 ოქტომბერი — Sputnik. ზუგდიდს წყალმომარაგება უწყვეტ რეჟიმში ექნება — ქალაქში ცენტრალიზებული სისტემის მშენებლობა 2018 წლის დეკემბერში დასრულდება.
პროექტის ფარგლებში მიმდინარეობს წყალმომარაგების გამანაწილებელი ქსელის, სატუმბი სადგურისა და რეზერვუარების მშენებლობა. ასევე, მოეწყობა წყალმომარაგების მაგისტრალური მილსადენი, მოსახლეობას დაუმონტაჟებენ ინდივიდუალურ მრიცხველებს, აღნიშნულია საქართველოს ინფრასტრუქტურისა და რეგიონული განვითარების სამინისტროს განცხადებაში.
პროექტი ხორციელდება აზიის განვითარების ბანკის მხარდაჭერით. მისი ღირებულება 84 მლნ ლარია.
ბოლო ათწლეულების განმავლობაში ზუგდიდში წყალმომარაგების ცენტრალიზებული სისტემა არ არსებობდა.
