არჩევნებზე ამომრჩევლის გამოცხადებამ 15:00 საათისთვის 25,3% შეადგინა

© Sputnik / Alexander Imedashviliარჩევნების მეორე ტური
არჩევნების მეორე ტური - Sputnik საქართველო
გამოწერა
ბოლო მონაცემებით, საპარლამენტო არჩევნების მეორე ტურის მსვლელობისას ხმა დაახლოებით 627 ათასმა ამომრჩეველმა მისცა.

თბილისი, 30 ოქტომბერი — Sputnik. საპარლამენტო არჩევნების მეორე ტურის მიმდინარეობისას ამომრჩევლის გამოცხადებამ 15:00 საათისთვის 25,3% შეადგინა, განაცხადა ცესკოს სპიკერმა ანა მიქელაძემ ბრიფინგზე.
საქართველოს 50 ერთმანდატიან ოლქში საპარლამენტო არჩევნების მეორე ტური დაიწყო. ძირითადი კონკურენტები არჩევნებზე არიან „ქართული ოცნებისა“ და ენმ-ის დეპუტატობის კანდიდატები.

„15:00 საათის მონაცემებით, 50 მაჟორიტარულ საარჩევნო ოლქში არჩევნებში მონაწილეობა მიიღო ამომრჩევლის საერთო რაოდენობის 25,3%-მა. ეს რაოდენობრივად 626 954 ამომრჩეველია“, — განაცხადა ცესკოს სპიკერმა ანა მიქელაძემ ბრიფინგზე.

ყველა ახალი ამბავი
0