ოქტომბერი, 27 ოქტომბერი– Sputnik. საქართველო-რუსეთის საზღვრის მიმართულებით ყაზბეგი-ზემო ლარსის მონაკვეთზე ყველა სახის ტრანსპორტისთვის მოძრაობა თავისუფალია, ნათქვამია საქართველოს რეგიონალური განვითარებისა და ინფრასტრუქტურის სამინისტროს საავტომობილო გზების დეპარტამენტის საიტზე გამოქვეყნებულ განცხადებაში.
25 ოქტომბრიდან მცხეთა-სტეფანწმინდა-ლარსის ავტომაგისტრალის გუდაური-კობის მონაკვეთზე თოვლისა და ლიპყინულის გამო აიკრძალა მოცურების საწინააღმდეგო ჯაჭვების გამოყენების გარეშე მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა.
ჩატარებული გაწმენდითი სამუშაოების შედეგად აღნიშნულ მონაკვეთებზე ყველა სახის ტრანსპორტისათვის მოძრაობა თავისუფალია.
