არ გაინტერესებთ, რა ესიზმრებათ ძაღლებს რეალურად — რამე გემრიელი სასუსნავი თუ საყვარელი სათამაშო? ამ კითხვაზე პასუხი სულ ცოტა ხნის წინ გასცეს ჰარვარდელმა მეცნიერებმა.
"Dr. Deirdre Barrett's theory on dog dreams are making loving pet owners everywhere geek.. — https://t.co/w8eqxK1b4A via @_feedspot
— Det. David Love (@davidlove777) 24 октября 2016 г.
ბოლო კვლევების თანახმად, ძაღლი სიზმარში ხშირად ხედავს მას, ვისაც ყველაზე მეტად არის შეჩვეული და უყვარს, ანუ საკუთარ პატრონებს. აი, როგორ ხსნის ამას დოქტორი დეირდრე ბარეტი.
„ადამიანებს ესიზმრებათ ის, რაც დღის განმავლობაში ყველაზე მეტად აღელვებთ, მაგრამ ნაკლებად ლოგიკური ფორმით. ჩვენ არ გვაქვს მიზეზი ვიფიქროთ, რომ ცხოველებში ყველაფერი სხვაგვარადაა. გამომდინარე იქიდან, რომ ძაღლები ადამიანებზე ძალიან არიან დამოკიდებული და მჭიდრო კავშირი აქვთ მათთან, შეგვიძლია დავასკვნათ, რომ თქვენს ცუგას თქვენ ესიზმრებით — როგორ გახალისებთ ან როგორ გაბრაზებთ რაღაცით“.
ამ ახალმა ამბავმა ინტერნეტმომხმარებლები სულით ხორცამდე შეძრა და ქსელში საკუთარი მძინარე „მეგობრების“ ფოტოები გამოფინეს, რომლებსაც თან ემოციური კომენტარები დაურთეს. ბევრი იმასაც წერდა, რომ ჰარვარდელი მეცნიერების დასკვნამ გული აუჩუყა და აატირა, რაც სულაც არაა გასაკვირი. ხომ მართლაც ძალიან სასიამოვნოა იმის ცოდნა, რომ ძაღლი ძილშიც კი პატრონის ერთგული რჩება.