თბილისი, 22 ოქტომბერი – Sputnik. გაეროსა და ქიმიური იარაღის აკრძალვის ორგანიზაციის ერთობლივმა მექანიზმმა სირიაში საომარი მიზნით ქიმიური ნივთიერებების გამოყენების შემთხვევებზე გამოძიების ანგარიში გამოაქვეყნა. ანგარიშის თანახმად, სირიის ხელისუფლებამ იდლიბის პროვინციაში ტოქსიკური აირი გამოიყენა, იუწყება საინფორმაციო სააგენტო „რია ნოვოსტი“ სააგენტო „როიტერზე“ დაყრდნობით.
ანგარიშის ტექსტში, რომელიც სააგენტოს ხელში მოხვდა, აღნიშნულია, რომ შეტევა პროვინციის ჩრდილოეთ ნაწილში 2015 წლის 16 მარტს განხორციელდა.
ასევე, ანგარიშში ნათქვამია, რომ სირიის სამხედრო–საჰაერო ძალები იყენებდნენ ვერტმფრენებს „კასრის ბომბების“ ჩასაგდებად, რომლებიც მომწამვლელ გაზ ქლორინს გამოყოფდა.
უფრო ადრე გავრცელებული ინფორმაციით, ორგანიზაციებმა გამოძიების შედეგებით სირიის ხელისუფლება შესწავლილი ცხრა ქიმიური შეტევიდან პასუხისმგებლად ორ შემთხვევაში აღიარეს. ერთ–ერთი შეტევა ტერორისტულ ორგანიზაცია „ისლამურ სახელმწიფოზე“ განხორციელდა.
