„ჩვენ ხშირად ვსაუბრობდით მაჟორიტარული საარჩევნო სისტემის გაუქმების აუცილებლობაზე და დავინტერესდით, თუ რამდენად ახორციელებენ მათზე დაკისრებულ მოვალეობებს ამ სისტემით არჩეული დეპუტატები. მოვამზადეთ ანგარიში, რომელიც მე-8 მოწვევის პარლამენტის მაჟორიტარი დეპუტატების საქმიანობის შედეგებს მოიცავს“.
„სამართლიანი არჩევნების“ ანგარიშის თანახმად, მე-8 მოწვევის პარლამენტში მაჟორიტარმა დეპუტატებმა არასაპატიო მიზეზით 378 სხდომა გააცდინეს, ხელფასი კი მხოლოდ 5 მათგანს დაექვითა. ოთხი წლის განმავლობაში პლენარულ სხდომაზე სიტყვით არ გამოსულა მაჟორიტარების თითქმის 10%. საკანონმდებლო ინიციატივის უფლებით კი 73 მაჟორიტარი დეპუტატიდან მხოლოდ 36-მა ისარგებლა. ყველაზე მეტი კანონპროექტი ჯერ კიდევ მოქმედ პარლამენტში დავით ონოფრიშვილმა, ვახტანგ ხმალაძემ და თამარ კორძაიამ წარადგინეს.
