თბილისი, 20 ოქტომბერი — Sputnik. შუა ხნის მამაკაცი დაიღუპა თბილისში, მეტრო სარაჯიშვილთან სამშენებლო მასალების დატვირთვისას, იტყობინება საინფორმაციო სააგენტო „ნოვოსტი გრუზია“ შსს-ს პრესსამსახურზე დაყრდნობით.
დაუზუსტებელი ინფორმაციით, მამაკაცი მანქანაში რკინის მილებს ტვირთავდა, წაბორძიკდა და მილი თავში დაეცა. მტვირთავი ადგილზე დაიღუპა.
მიმდინარეობს გამოძიება. საქმე აღძრულია უსაფრთხოების ზომების დარღვევის მუხლით, რაც თავისუფლების შეზღუდვით ისჯება 5 წლამდე ან თავისუფლების აღკვეთით 2-დან 5 წლამდე.
