Sputnik-ის მკითხველების საყვარელი ადგილები თბილისში

ანა ქათამაძე: „თბილისობა“ განსაკუთრებული დღესასწაულია და იგი ყველაზე მეტად ძველ თბილისს უხდება. ისეთი ლამაზი და თბილია ყველაფერი, ისეთი სურნელი ტრიალებს ირგვლივ… ქუჩაში ადამიანები ერთმანეთს ულოცავენ, ისმის სიცილის, სიმღერის ხმები… „თბილისობაზე“ ყველაზე მეტად მაიდანზე და სოლოლაკში მიყვარს სეირნობა… ნარიყალა…მეტეხი.. უფრო ქვემოთ სიონი და ჯვრის მამა… აქ თითოეულ ქვას, შენობებსა და ჭიშკრებს, თავისი ისტორია აქვს, რომელიც ასწლეულებს ითვლის. თბილისში „თბილისობა“ ყველაზე მეტად ძველ თბილისს უხდება. 

ნანუკა ჩხეიძე: თბილისი ეს სიტყვა იტევს სამშობლოს და ყველაფერს ერთად..სიძველეს, კულტურას ისტორიას… სიყვარულს… რაც ფოტოების გადაღება დავიწყე, საოცრად ლამაი თბილისი აღმოვაჩინე… უბრალო დეტალიც კი რომელიც, ყოველდღიურობაში შეუმჩეველია… ფოტოაპარატი თითქოს მას აცოცხლებს და განუმეორებელ წამებს აღბეჭდავს,,,მეტეხის ეკლესიიდან ულამაზესი ხედები იშლება… ეს უცხოელი სტუმრები არიან, ასე ლამაზად შემოსკუპული სკამძელზე ძველი თბილისი ფონზე, ამიტომ ამ ფოტოს დავარქვი "სიყვარული აქცენტით "

თიკო რომანაძე:  ჩემთვის „თბილისობა“ განსაკუთრებული დღესასწაულია, ამ დღეს მეგობრები ყოველთვის ვიკრიბებით და ერთად ვსეირნობთ თბილისის ქუჩებში. ყველაზე მეტად ღამის თბილისი მიყვარს და სხვადასხვაფერად განათებული მტკვარი… ყველას მინდა მივულოცო ეს დღესასწაული, თბილისს კი ვუსურვებ იმ ადამიანების სიმრავლეს, რომელსაც ის უშურველად ეყვარება და ეფიქრება… თბილისი ხომ განსაკუთრებულია და ამიტომაც განსაკუთრებულ სიყვარულს იმსახურებს.