მეორე ტურის გამართვა 49 ერთმანდატიან ოლქშია მოსალოდნელი

© Sputnik / Levan Avlabreliსაარჩევნო ურნა
საარჩევნო ურნა - Sputnik საქართველო
გამოწერა
საქართველოს პარლამენტში 150 დეპუტატია. აქედან 77 პროპორციული სისტემით ირჩევა, ხოლო 73 – მაჟორიტარული სისტემით.

თბილისი, 9 ოქტომბერი – Sputnik. საპარლამენტო არჩევნების მეორე ტურის გამართვა 49 ერთმანდატიან ოლქშია მოსალოდნელი. ამაზე საარჩევნო უბნების უმრავლესობაში ხმების დათვლის წინასწარი შედეგები მეტყველებს.

საქართველოს პარლამენტში 150 დეპუტატია. მათი არჩევა შერეული სისტემით ხდება. 77 დეპუტატი პროპორციული სისტემით ირჩევა, ხოლო 73 – მაჟორიტარული სისტემით.

IRI - Sputnik საქართველო
IRI: არჩევნები საქართველოში იდეალური არ ყოფილა

პირველივე ტურში გამარჯვებისთვის დეპუტატობის კანდიდატმა უნდა მიიღოს  50%+1 ხმა, წინააღმდეგ შემთხვევაში, მეორე ტური ინიშნება.

როგორც მოსალოდნელია, არჩევნების მეორე ტური გაიმართება თბილისში, ბათუმში და ქვეყნის რვა რეგიონში.

რაც შეეხება პროპორციულ სისტემას, ამ დროისთვის მმართველი პარტია „ქართული ოცნება – დემოკრატიული საქართველო“ ხმათა 49,26%–ით ლიდერობს, ხოლო „ერთიან ნაციონალურ მოძრაობას“ 26,46% აქვს.

პარლამენტში შესასვლელად 5%–იანი ბარიერი გადალახა ბლოკმა „დავით თარხან–მოურავი, ირმა ინაშვილი – საქართველოს პატრიოტთა ალიანსი, გაერთიანებული ოპოზიცია“.

პროპორციული სისტემით დათვლილია საარჩევნო უბნების 82,55%–ის მონაცემები.

ცესკო
ცესკო - Sputnik საქართველო
ცესკო

 

ყველა ახალი ამბავი
0