თბილისი, 8 ოქტომბერი – Sputnik. საქართველოში საპარლამენტო არჩევნები დაიწყო – ყველა საარჩევნო უბანი დროულად, 8 საათზე გაიხსნა, განაცხადა ცენტრალური საარჩევნო კომისიის (ცესკო) პრეს–სპიკერმა ანა მიქელაძემ ბრიფინგზე.
მეცხრე მოწვევის პარლამენტის 150 სადეპუტატო მანდატის მოსაპოვებლად 19 პოლიტიკური პარტია და 6 საარჩევნო ბლოკი იბრძვის.
„დღეს ყველა საარჩევნო უბანი დილის 8 საათზე გაიხსნა. კენჭისყრა მშვიდ და ყველასთვის ხელმისაწვდომ გარემოში მიმდინარეობს“, – განაცხადა მიქელაძემ.
ცესკოს საინფორმაციო ცენტრი 24 საათიან რეჟიმში მუშაობს, ნებისმიერ მოქალაქეს არჩევნებთან დაკავშირებით ინფორმაციის მიღება შეუძლია ტელეფონის ნომერზე – 2 51 00 51, ასევე ონლაინ–ჩატის საშუალებით ვებგვერდზე www.cesko.ge, დასძინა მან.
საქართველოში საპარლამენტო არჩევნები შერეული სისტემით ტარდება – 77 დეპუტატს პროპორციული, ხოლო 73–ს მაჟორიტარული სისტემით აირჩევენ.