თბილისი, 8 ოქტომბერი — Sputnik. ბათუმის №51-ე საარჩევნო უბანზე ხმის მისაცემად მისული 83 წლის მამაკაცი შეუძლოდ გახდა და სავარაუდოდ, გულის შეტევით გარდაიცვალა, იუწყება ტელეკომპანია „იმედი“.
„ჩვენი ამომრჩეველია, ორი ფეხის ნაბიჯზე ცხოვრობს — თამაზ შალამბერიძე, ცნობილი პიროვნება, ყველასათვის საყვარელი კაცი — მოვიდა, ხმა მისცა მეუღლესთან ერთად… ეზოში გარდაგვეცვალა სულ ახლახანს“, — განუცხადა უბნის კომისიის წევრმა „იმედის“ ჟურნალისტს.
83 წლის ამომრჩეველმა საკუთარი პოზიციის დაფიქსირება მოასწრო, უბნიდან გამოსული კი კიბეზე შეუძლოდ გახდა.
შსს-ის ცნობით, მომხდარზე უკვე დაწყებულია გამოძიება.
