თბილისში საპარლამენტო არჩევნების წინ რამდენიმე მილიონი საარჩევნო ბიულეტენი დაიბეჭდა. იხილეთ Sputnik-ის ვიდეო.
საქართველოს ცენტრალური საარჩევნო კომისიის დაკვეთით, თბილისში არსებული რვა სტამბა საარჩევნო ბიულეტენებს ბეჭდავს. მთლიანობაში, ბიულეტენების რაოდენობა დაახლოებით 7,5 მილიონი იქნება. ბიულეტენების ბეჭდვის პროცესი 6 ოქტომბერს დასრულდება.
საქართველოში არჩევნები 8 ოქტომბერს გაიმართება. საპარლამენტო არჩევნების პარალელურად, საქართველოს რამდენიმე რეგიონში შუალედური და რიგგარეშე ადგილობრივი არჩევნები ჩატარდება. აჭარაში ამ დღეს ასევე გაიმართება უმაღლესი საბჭოს არჩევნები.
