თბილისი, 30 სექტემბერი — Sputnik. დღეს, გამთენიისას, ქალაქ წალენჯიხის ცენტრში მდებარე სამ სართულიან (მულტიფუნქციურ) შენობას, სადაც სხვადასხვა სამსახურები იყო განლაგებული, ცეცხლი გაუჩნდა. შენობის სახურავი და მე-3 სართული მთლიანად განადგურებულია.
ცეცხლის ლოკალიზებაში ჩაერთო სამეგრელო-ზემო სვანეთის საგანგებო სიტუაციების მართვის სააგენტოს 11 ბრიგადა, სახანძრო — სამაშველო სამსახურები. შედეგად, შესაძლებელი გახდა პირველ და მეორე სართულებზე ხანძრის გავრცელების საშიშროების თავიდან აცილება.
ხანძრის გამომწვევ მიზეზებზე ექსპერტ-კრიმინალისტები მუშაობენ, ამავდროულად მუშაობს ზარალის დამდგენი კომისია.
შენობაში სარემონტო სამუშაოები მიმდინარეობდა.
სოფო კაკაჩია
