თბილისი, 29 სექტემბერი — Sputnik. საქართველოს მთავრობის გადაწყვეტილებით, საცხოვრებელი ფართები საკუთრებაში, უსასყიდლოდ, კიდევ 43 დევნილ ოჯახს გადაეცემა. დევნილები სახლებს თბილისსა და ხობში მიიღებენ.
როგორც საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა, 2012 წლის ოქტომბრიდან დღემდე, მთავრობის განკარგულებით, საცხოვრებელი ფართი საკუთრებაში 12 650-მდე დევნილ ოჯახს გადაეცა.
დევნილთა და განსახლების სამინისტროს ინფორმაციით, დღეისათვის საქართველოში 259, 2 ათასი დევნილია დარეგისტრირებული.
