თბილისი, 26 სექტემბერი — Sputnik. რუსეთის საგარეო საქმეთა სამინისტროში გამოჩენილი ქართველი მოქანდაკისა და მხატვრის მერაბ ბერძენიშვილის გარდაცვალებასთან დაკავშირებით სამძიმარი გამოთქვეს.
როგორც სამძიმრის წერილშია აღნიშნული, რუსეთში მერაბ ბერძენიშვილის — „კულტურის ნათელი მოღვაწის, შესანიშნავი მოქანდაკისა და მხატვრის“ გარდაცვალება დიდი მწუხარებით მიიღეს.
საქართველოსა და რუსეთის ისტორიული და კულტურული საერთო თემები მერაბ ბერძენიშვილისთვის ყოველთვის შთაგონების დიდი წყარო იყო, აღნიშნულია წერილში.
როგორც რუსეთის საგარეო უწყებაში აღნიშნავენ, ბერძენიშვილი ავტორია დავით აღმაშენებლის, გიორგი სააკაძისა და სხვა მშვენიერი ქანდაკებების თბილისში, ასევე შოთა რუსთაველის — მოსკოვში.
„გულწრფელად ვუსამძიმრებთ მ. ბერძენიშვილის ნათესავებსა და მეგობრებს. დარწმუნებული ვარ, ჩვენს ქვეყნებში მისი მარადიული ხსოვნა იქნება, ხოლო ოსტატის ქმნილებები სიკეთის, მშვიდობისა და ხალხებს შორის მეგობრობის ნათელ გამოხატულებად დარჩება“, — აღნიშნულია განცხადებაში, რომელსაც ხელს აწერს რუსეთის საგარეო საქმეთა მინისტრის მოადგილე გრიგორი კარასინი.
გამოჩენილი ქართველი მოქანდაკე, მხატვარი და გრაფიკოსი მერაბ ბერძენიშვილი 87 წლის ასაკში 17 სექტემბერს გარდაიცვალა.
