თბილისი, 21 სექტემბერი – Sputnik. ავტომატური ნავები ეკიპაჟის გარეშე უკვე მომავალ წელს ჰოლანდიის ამსტერდამის არხებში მგზავრებისა და ტვირთის გადაზიდვას დაიწყებენ, იუწყება საინფორმაციო სააგენტო „რია ნოვოსტი“ მასაჩუსეტის ტექნოლოგიური ინსტიტუტისა და ურბანისტიკის პრობლემების ამსტერდამის ინსტიტუტის ინფორმაციაზე დაყრდნობით.
განცხადებაში ნათქვამია, რომ უპილოტო ნავებს, რომლებსაც Roboat ეწოდება სიტყვებისგან „რობოტი“ და boat – ინგლისურად – ნავი, ასევე შეძლებენ არხებზე ხიდების წარმოქმნას, თუ ქალაქის საცობების განტვირთვა გახდება აუცილებელი.
როგორც სააგენტო „ფრანს პრესი“ იუწყება, მკვლევარები ასევე აღნიშნავენ, რომ ამსტერდამი, რომლის 165 არხი დაახლოებით 50 კილომეტრი სიგრძისაა, „იდეალური ადგილია რობოტი ნავების განვითარებისთვის“.
არხებზე სეირნობა ამსტერდამის ერთ–ერთი მთავარი ტურისტული ღირსშესანიშნაობაა, რომელსაც ყოველწლიურად 17 მლნ–ზე მეტი ტურისტი სტუმრობს.
