„არის სიტყვები, რომლებიც ყველაზე ხშირად გამოიყენება და ის სიტყვები კარგად მოქმედებს. მაგრამ ამავდროულად, სლოგანის არჩევისას ის არც ძალიან გრძელი უნდა იყოს და არც ძალიან მოკლე და აზრს უნდა გამოხატავდეს — კონკრეტულად რისი თქმა უნდა. ასევე არის სპეციალური სიტყვების ჩამონათვალი, რომელიც კარგია, თუ გამოიყენება", — განაცხადა ნინა პერტაიამ.
მისივე თქმით, არის კონკრეტული სიტყვების ჩამონათვალიც კი (მაგალითად, სამშობლოს სიყვარული, სიკეთე), რომლებიც ამომრჩეველში დადებით ემოციებს იწვევს.
რაც შეეხება პოლიტიკურ სუბიექტებს, PR- სპეციალისტს „ქართული ოცნების“ სლოგანში სიტყვა „სწრაფი განვითარება “ არ მოსწონს, რადგან ის არ შეესაბამება გუნდს, რომელიც ქვეყანას უკვე 4 წელი მართავს. „რესპუბლიკელების“ სლოგანი, მართალია, ორიგინალურია და პრეზენტაციაც დასამახსოვრებელი იყო, მაგრამ კომპანია „ბორჯომის“ სატელევიზიო რეკლამის სლოგანთან „გათავისუფლდი ზედმეტისგან“ მოდის „თანხვედრაში“. ნანა პერტენავა „ნაციონალური მოძრაობის“ სლოგანს „ნორმალურს “ უწოდებს, ხოლო ბურჯანაძის პარტიის სლოგანს კი — ნაკლებად დასამახსოვრებელს.
ნანა პერტენავას აზრით, მხოლოდ სხვებისგან გამორჩეულობა სლოგანის მფლობელს არჩევნებზე წარმატებას ვერ მოუტანს.