„ანალოგიური საიტები აშშ-ში და ევროპაში საკმაოდ პოპულარულია და ჩვენც დავფიქრდით. რატომაც არა? საქართველოში საინტერესო იქნებოდა მსგავსი პროექტის ჩატარება მით უმეტეს რომ საკმაოდ მაღალი საზოგადოებრივი ინტერესი არსებობს ამ საკითხთან დაკავშირებით. პროექტს ალბათ ორი ძირითადი ამოცანა აქვს, ერთი ის არის რომ პოლიტიკურ პარტიათა ხედვები მაქსიმალურად ადვილი და გამოსაყენებელ ფორმატში მივაწოდოთ საზოგადოებას და მეორე — მოქალაქეებმა შეძლონ გამოარკვიონ იდეოლოგიით თუ რომელ პარტიასთან დგანან ყველაზე ახლოს“, — განაცხადა თოფურიამ.
ვებ-გვერდზე Chemikhma.ge ამომრჩეველს საშუალება აქვს, შეავსოს იგივე კითხვარი და გაიგოს, თუ რომელი პოლიტიკური პარტიის მოსაზრებებთან დგას იგი ყველაზე ახლოს. ყველა კითხვაზე პასუხის გაცემის შემდეგ მომხმარებელს საიტი აჩვენებს თუ რომელ პოლიტიკურ პარტიასთან რამდენ პროცენტიანი თანხვედრა აქვს.
არასამთავრობო ორგანიზაციის მიერ შედგენილი კითხვარი 7-მა პოლიტიკურმა პარტიამ: „დემოკრატიული მოძრაობა ერთიანმა საქართველომ“, „ნაცმოძრაობამ“ „ეროვნულმა ფორუმმა,“ „თავისუფალმა დემოკრატებმა“, „მრეწველებმა“ „გირჩმა“ და „რესპუბლიკელებმა“ შეავსეს. ვებ-გვერდი ფუნქციონირებას 2016 წლის საპარლამენტო არჩევნების შემდეგაც გააგრძელებს.
