თბილისი, 5 სექტემბერი — Sputnik. სროლის ხმა რამდენიმე წუთის წინ გაისმა ყიფშიძის ქუჩაზე, იუწყება ტელეკომპანია „რუსთავი 2“.
3 სექტემბერი 2016, 13:15
უცნობმა მამაკაცმა „კალაშნიკოვის“ ტიპის ავტომატიდან გახსნა ცეცხლი. არიან დაჭრილები, რომელთა რაოდენობა ჯერჯერობით დადგენილი არ არის. მედიის ინფორმაციით, ყველა მათგანი ხეჩინაშვილის სახელობის საავადმყოფოშია გადაყვანილი.
ვრცელდება ინფორმაცია, რომ ერთ-ერთი დაჭრილი ყიფშიძის ქუჩაზე მდებარე ავტომობილების ტექნიკური დათვალიერების სადგურის თანამშრომელია, რომელსაც ექიმები ამ დროისათვის ოპერაციას უკეთებენ.
როგორც ირკვევა, ტექდათვალიერების სადგურის თანამშრომელმა ერთ-ერთ მძღოლს რიგში ჩადგომა მოსთხოვა, რასაც ჯერ შელაპარაკება, შემდეგ კი სროლა მოჰყვა.
შსს-ის პრესსამსახურს კომენტარი ჯერ არ გაუკეთებია.
