თბილისი, 2 სექტემბერი– Sputnik. ზუგდიდის რაიონულმა სასამართლომ კ. კ. დამნაშავედ სცნო გაუპატიურებასა და ქორწინების იძულებაში და პატიმრობის შვიდი წელი მიუსაჯა, იუწყება საქართველოს მთავარი პროკურატურის პრესსამსახური.
გამოძიების მონაცემებით, ამა წლის მარტში ზუგდიდის რაიონის ერთ-ერთ სოფელში მამაკაცი შეხვდა ნ.ჯ-ს და ქორწინება შესთავაზა. გოგონამ მას უარი უთხრა.
ორი დღის შემდეგ მამაკაცმა ძალადობის გამოყენებით გოგონა სასტუმროში წაიყვანა და გააუპატიურა.
2016 წლის 11 აპრილს სამართალდამცველებმა წალენჯიხის რაიონის სოფელ ლიაში დამნაშავე დააკავეს. პროკურატურამ მას ბრალდება წარუდგინა მუხლით „გაუპატიურება“ და „ქორწინების იძულება“.
ზუგდიდის რაიონულმა სასამართლომ კ.კ. სრულად სცნო დამნაშავედ წარდგენილ ბრალდებაში და სასჯელის სახედ და ზომად განუსაზღვრა თავისუფლების აღკვეთა 7 წლის ვადით.
