თბილისი, 1 სექტემბერი — Sputnik. წუხელ ქართველი პარალიმპიელები რიო-დე-ჟანეიროში გაემგზავრნენ.
საქართველოს პარალიმპიადაზე ხუთი სპორტსმენი წარადგენს:
ვანო წიკლაური — მშვილდოსნობა
ზვიად გოგოჭური — ძიუდო
აკაკი ჯინჭარაძე — ძალოსნობა
ლია ჩაჩიბაია — ცურვა
ირმა ხეცურიანი — ფარიკაობა
გუშინ სპორტსმენები საქართველოს სპორტის მინისტრ ტარიელ ხეჩიკაშვილსა და თბილისის მერს დავით ნარმანიას შეხვდნენ, რომლებმაც ქართველ პარალიმპიელებს რიოს თამაშებში წარმატებები უსურვეს.
პირველად ქართველმა პარალიმპიელებმა ოლიმპიურ თამაშებში მონაწილეობა 2008 წელს პეკინში მიიღეს. მაშინ საქართველო ერთმა სპორტსმენმა — იაგო გორგოძემ წარადგინა, რომელმაც ძალოსნობაში იასპარეზა.
პარალიმპიადა რიო-დე-ჟანეიროში 7-18 სექტემბერს გაიმართება. თამაშებში მსოფლიოს 170-ზე მეტი ქვეყნიდან რამდენიმე ათასი სპორტსმენი მიიღებს მონაწილეობს.
