თბილისი, 29 აგვისტო— Sputnik. აშშ-ს სახელმწიფო დეპარტამენტმა გასულ კვირას უსაფრთხოების სფეროში არასტაბილურ სიტუაციასთან დაკავშირებით თურქეთში აშშ-ს საელჩოსა და გენერალური საკონსულოს დიპლომატთა ოჯახების წევრების ნებაყოფლობითი გამგზავრების სია გაზარდა, უწყებაზე დაყრდნობით იუწყება РИА Новости.
„23 აგვისტოდან 23 სექტემბრამდე სახელმწიფო დეპარტამენტმა გაზარდა ანკარაში ამერიკულ საელჩოში და სტამბულში ამერიკულ განარალურ საკონსულოში მივლენილ თანამშრომელთა ოჯახების წევრთა ნებაყოფლობით წამსვლელთა რიცხვი“,-ნათქვამია სახელმწიფო დეპარტამენტის განცხადებაში.
ასეთი გადაწყვეტილება სახელმწიფო დეპარტამენტმა მიიღო „თურქეთის მთელს ტერიტორიაზე ამერიკელი მოქალაქეებისათვის ტერორისტული ჯგუფებიდან მომდინარე გაზრდილ საფრთხეებთან დაკავშირებით“. ამერიკელებს განსაკუთრებით მოუწოდებენ თავი შეიკავონ სამხრეთ-აღმოსავლეთ თურქეთში გამგზავრებისგან.
